今日同大家分享一篇有關做私補（私人補習, private tutor）的文章。好多大學生10個有9個都試過做私補，有空餘時間可以賺下錢，時間安排彈性，人工又好 Paid。咁點解好多人都唔願意做私補呢？因為補習中介會抽取導師頭兩星期的補習費當作佣金，即是每補一名學生，頭兩星期都是「白做」，如果 Keep 唔到學生，或家長只係考試前短線補習，補完一兩堂個家長就話唔補，咁就渣都無。隨時零收入，仲要貼錢打工。
《【兼職私補行情】邊類上門補習時薪高達$500？抽佣隨時變「白做」》
提起私補（私人補習），可謂是大學生的「集體回憶」，十居其九都做過兼職私補。一直以來，私補對於不少大學生來說是一份「筍工」，吸引不少人加入此行列。但其實現在私補仍是否大學生們選擇兼職的首選呢？關於私補的行情又是如何？大家經常都覺得私補好好做，但其實有時候真是「有苦自己知」，現在就來分享一下你可能不知道的私補一二事吧。
私補「超筍工 」 是大學生兼職first choice?
據小編所知，將私補視為兼職首選的大學生只是一半一半，不少傾向做私補的大學生主要因為私補性質貼合他們的需要—時薪高，補習時間具彈性。香港私補的平均價大約是$180/鐘，最高甚至可達＄350/鐘，可以說是薪金最高的兼職。而且私補的時間不長，多數補約一至兩小時，或需於考試前夕加鐘，補習時間多由導師決定，自由度十分高。
科大三年級的Jennifer（化名），有兩年補習經驗，她指出：「補習啲時間比較啱我未必成日得閒，可以喺啲time gap賺下錢，同埋好多工都要有最低工作時數，但私補好free，同學生溝通好就ok，方便我安排時間。最緊要唔使出賣勞力得嚟又好paid，好過啲要企足咁耐受人氣嘅part-time，得閒想賺多啲果陣補多幾個學生就得。」
中介抽佣變「白做」 怪獸家長嚴密監控
不過世上無百分百的「筍工」，補習就是「睇落風光，實際滄桑」。有不少大學生寧可選擇同樣人工高但需出賣勞力的「辛苦工」，也不做私補。其一原因是壓力大，其二是不滿中介的抽佣制度。選擇補習的人皆想透過課外的輔導改善成績，所以作為私補導師有責任令學生進步，變相亦帶來無形的壓力。中大四年級的Carmen（化名），有三年私補經驗，她分享：「試過好幾次家長坐喺隔離做嘢，其實係借啲意mon住我點教，有次個小朋友問我點解put嘅past participle form唔洗加ed，我答咗句『你背咗佢就得㗎啦』，結果我比人炒咗。」
更有家長只會以學生的成績定義你的表現，無進步就代表是你失職、無能。面對愛子心切的怪獸家長之壓力同樣令人「頭痕」。而且私補的工作量並不只補習時一、兩小時的工夫，還包含事前的準備工作，例如構思教學方式及預備補充練習。另外，中介抽佣亦令大學生們卻步，除非你有特別的尋找學生渠道，否則均須經中介幫忙找「客源」。
中介一般會抽取導師頭兩星期的補習費當作佣金，即是每補一名學生，頭兩星期都是「白做」，有些中介更「食水深」。Jennifer感歎：「有時真係好無奈㗎，如果比佢（中介）抽完佣Keep到個學生就話可以賺返啫，但有時補完一兩堂個家長就話唔補，咁就渣都無。如果個個學生都係咁，真係會零收入，仲要貼錢打工。」
私補行情：有哪些類型？報酬有多少？
私補的報酬多數按學生的教育程度而定，越高程度報酬便越高。一般而言，小學生私補的時薪為＄70至＄120不等；而補初中生的時薪大約是＄140至＄190；補高中生的時薪則約＄200至＄250。
補習的類型絕對會影響私補報酬，私補類型大致可按性質劃分為單對單式上門補習或是補習社小組形式私補；亦可按學科劃分為專科、全科，或是興趣技能類的私補。就前者而言，單對單上門式的私補報酬會較高，由於導師需到不同地區補習，尤其去較偏遠的地區，例如離島、屯門等。因為交通不便，加上導師要花較多時間成本，家長多會願意提供較高的時薪作補償。而小組形式的補習社私補相對比較輕鬆，人工就會較便宜，需視乎導師同時需要應付的學生實際人數而定。
就後者而言，某些需要特別專業知識的科目所得的報酬亦會較高，例如教英文拼音，時薪可達＄350、中英文語文專科的私補時薪會有＄180等。私補亦可包括一些興趣技能，例如游水、籃球或各種樂器等，人工亦會比一般私補高。因為私補導師需具備一定專業資格，例如運動類私補導師或需持有教練牌、具相當的教學經驗及能力，鋼琴導師則起碼要考獲8級鋼琴水平等。換言之，導師「幾有料」，人工就可有多高，一般時薪可達$300至＄500。
總言之，不論任何類型的私補，導師之私補經驗、學歷或資格證明均可能影響報酬。例如不少大學生喜歡以DSE的好成績作招徠賣廣告，既可以吸引學生，又可以搏取更高的報酬。所以想做私補的你，想要高人工，不妨先多累積經驗，同時好好裝備自己！
唔想被補習中介把持？今日就上香港導師庫登記成為導師，自由自主新概念！