在香港導師庫刊登招生廣告，如果告示寫得好，呢一邊短短的文章可以為補習老師帶來源源不絕的學生，自主招生，咁就唔再需要依靠中介去介紹學生，節省不少中介佣金費用。究竟點樣先可以寫出一集吸引學生和家長的廣告告示呢？今日放大家講解 4大竅門，讓大家招生的時候能夠事半功倍。
招生廣告標題是第一印象 一定要第一下就說出重點
每一位家長和學生，都一定不會只看一篇招生廣告，換句話說大家都很忙，第一下吸引唔到就輸咗一半。標題是第一印象，所以一定要一針見血，第一下就說出重點，要「夠爆」夠「吸睛」！數學博士？名校狀元？十年經驗？反正就是要先聲奪人！
另外，如果你的招生告示，又長又噚，見到咁大篇文字，家長和學生一定沒有興趣。所以大家再創作招生廣告的時候，需要說出重點，不要來回兜圈。
你自己嘅特長優點，其實你自己最清楚。就算係補習中介，都未必會咁清楚你個人嘅特長同埋優點，既然有咁好嘅平台可以俾你自由發揮，花少少時間去寫清楚將自己推介比家長，係值得嘅。
睇圖好個睇字 今日就放一張圖啦
我們都被 Facebook, Instagram 教壞咗。而家大家都係睇圖唔睇字。有圖片，一定好過無圖片。正所謂有圖有真相，你沒有圖，家長連你係咪一個人都唔知。
如果你靚仔靚女梗係好，不過其實搵老師都唔係需要搵靚仔嘅。家長想知道，至少你係唔係陳浩南，定係似 Juno. 反正第日上門補習都必定要睇到，不如就喺廣告加埋個樣啦。
女仔導師需要留意，你係外面影嗰啲靚模相就唔需要擺喺度啦，都係以端莊為主。
有邏輯有次序 清晰係重點
要寫出一篇有內涵的招生廣告，大家需要花點心思，諗一諗自己嘅特長喺邊度，有什麼地方是比其他人優勝的。最緊要係講得出點解你係畀其他人優秀的，有乜嘢獨到之處。是你擁有超人的公開試成績嗎？是因為你曾經在名校就讀嗎？因為你有不短的補習經驗，有獨步的方法能夠讓學生的成績顯著進步嗎？還是你懂得記憶法，有特殊技巧去應付考試？
就算與成績無關，其實有一啲家長係想搵一個有責任心，或者係有愛心的補習導師。所以話，只要能夠將你的長處如實的報導出來，總會有一個家長或者學生適合你。
呢段自我介紹，最緊要文句簡潔，重點有力。雕花的語句，其實唔需要。最緊要實實際際，容易明白。切忌誇大浮誇，家長食鹽多過你食米，邊樣野係吹水，佢哋一睇就知，容易令到佢哋對你失去信心。
以學生為本，解答他們心中的疑問
你的學歷是你的事，其實和學生沒有必然的關係。所以家長和學生都可能會問：What’s in it for me? 就是粗俗啲講句：關我什麼事？
所以你是學生會幹事、游泳隊隊員、童軍領袖這些你認為是公職的事項，你尋找補習的學生一點關係都沒有，當然家長和學生都唔會感到有興趣。你喜歡吃火鍋、星座是人馬座，其實也不是很多人想知道。
所以，最重要的事，能夠幫助家長學生達成什麼。最簡單的，你能夠幫他們爭取好的考試成績，如果你曾經有幫助別人成功的經驗，這樣是最具體的成就。家長和學生都會感到非常有興趣。
如果有啲乜嘢服務承諾，包學識，包及格等等的，都可以寫出嚟，俾多啲信心家長。可以講到明家長可以查閱證書，又或者有遲到補時間提供 Whatsapp 問功課等等的增值服務，都係吸引客仔嘅好點子。
記住以上所講的四個重點，刊登一篇吸引人的招生廣告。祝大家導師桃李滿們，生意興隆。
P.S. 點解呢一篇文章咁口語化？因為想你容易明白，而且亦都唔想寫得文筆好過你，明白未？